Shënjat (Simptomat)
|
 1. Një ose më shumë (zakonisht të padhimbshme) plagë të vogla të rrumbullakta në regionin e organeve genitale ose në regionin e anusit, në gojë ose edhe kudo tjetër.
|
|
 2. Ekzantemë (puçrra) në pëllëmbët dhe në shputat ose në pjesë të jera të trupit.
|
|
 3. lodhje
|
|
 4. Temperaturë (rrallë)
|
|
 5. Dhimbje koke
|
|
 6. Gjendra limfatike të enjtura p.sh. në qafë, në sqetulla
|
|
 7. Humbje e qimeve këtu dhe atje (rrallë)
|
|
 8. Rënie e peshës
|
|
 9. Dhimbje kyçesh (rrallë)
|
Simptomat çfaqen në 10 – 90 ditë (zakonisht në 21 ditë).
Si ngjitet
Shumë nga njerëzit që kanë sifiliz nuk e njohin pasi simptomat e sifilizit nuk bëhen gjithmonë të përceptueshme.
Sifilizi ngjitet:
- Përmes kontaktit të ngushtë me plagë të infektuar d.m.th. kur goja juaj, organet tuaja genitale ose ndonjë pjesë tjetër e trupit tuaj prek plagët e një personi tjetër që janë shkaktuar nga sifilizi. Zakonisht ngjitet nëpërmjet kontaktit seksual (vaginal, oral, anal) me dikë që ka sifiliz .
- Përmes përdorimit të përbashkët të sendeve të mprehta 9 brisqe, age, shiringa
- Nga një nënë tek i porsalinduri gjatë periudhës së shtatzanisë
Përballimi
Për përballimin e sifilizit kërkoni ndihmë mjeksore. Në stadet e para të saj, përballohet dhe mjekohet lehtë. Por nëqoftëse nuk do të mjekohet mund të çojë në probleme serioze shëndetsore, duke shkaktuar dëme në zëmër, në tru, në sytë dhe në organe të tjera (stadi i 4-ert). Sifilizi mjekohet me dhënien e një antibiotiku. Mjekimi nuk shkakton imunitet. Evitoni kontaktin e ngushtë me persona të tjerë deri kur të plotësohet mjekimi i juaj dhe kontrolli/ mjekimi i partnerit tuaj seksual .
Nëqoftëse diagnostikoheni se kini sifiliz është e rendësisishme të informohen të gjithë partnerët tuaj seksualë të kohëve të fundit ,në mënyrë që të vizitohen dhe të marrin mjekimin e duhur.
Masa mbrojtëse – Profilaktike
- Abstenimi (moskryerje e kontaktit seksual) besnikëri reciproke në marrëdhënie monogamike me (marrëdhenie seksuale vetëm me një) person i cili është kontrolluar dhe nuk është i infektuar.
- Përdorim sistematik dhe i saktë i prezervativit në çdo lloj kontakti seksual, gjatë gjithë zgjatjes së tij me çdo partner seksual, pakëson por nuk përjashton mundësinë të infektoheni, Prezervativi mbron vetëm pjesët që mbulon.
- Evitoni ripërdorimin e shiringave të përdorura një herë.
- Diskutoni hapur dhe sinqerisht me partnerin tuaj për virusin e herpesit të organeve genitale dhe për sëmundje të tjera që ngjiten përmes kontaktit seksual
Kur duhet të konsultoheni me mjekun tuaj
Do të duhet të konsultoheni me mjekun tuaj
- Nëqoftëse do të çfaqni simptoma, si një plagë e kuqe e vogël në organet tuaja genitale.
- Nëse një partner i juaj seksual është diagnostikuar se ka sifiliz ose ka paraqitur simptomat ku mund të jetë sifilizi, akoma edhe nëqoftëse ju nuk keni simptoma .
Referenca bibliografike
keelpno
nhs
cdc
